35歲台灣女星吳佩慈今年初為男友紀曉波生咗囡囡「小蕊蕊」，但原來紀曉波已搭上25歲內地宅男女神穎兒。據台灣《蘋果》報道，穎兒今年農曆年喺美國拉斯維加斯一賭場「wynn」做騷，當晚由曾志偉做主持，仲有前輩張宇、林美秀等人，而佢就獲安排同王彩樺齊齊表演，氣氛都好熱鬧，之後，穎兒仲即場獻唱，不過歌藝就麻麻。

表演完畢，落到台下，穎兒好識做咁同曾志偉、張宇合影，表現出一副乖巧樣，之後仲出席主辦單位搞嘅慶功宴。返到國內，穎兒喺微博上載台灣知名經理人兼導演邱瓈寬合照，留言：「告別拉斯維加斯，長途跋涉30小時，我回來了！謝謝寬姐。」

喺呢行，最緊要識做，穎兒齊晒所有條件，喺賭城一個小小女歌手，到喺演藝圈力求上進，終於冒出頭來，不過現時則以「小三」之名得以中港台所認識。