現年43歲嘅韓流始祖裴勇俊去年7月迎娶30歲女星朴秀珍，二人婚後非常恩愛，雖然未有夫妻檔公開露面，但朴秀珍不時喺網上放閃，可見佢哋依然sweet。

而根據日本《女性自身》周刊指出，佢哋上月趁元旦假期飛咗去夏威夷度假，返回韓國後即到佢哋嘅「飯廳」食飯，據知呢間蒸餃餐廳，係裴勇俊同朴秀珍喺婚前已經常光顧，即使婚後佢哋常常給伴到餐廳約會，佢哋每次用餐亦只係花2百多元港幣。

根據餐廳老闆爆料，佢哋好甜蜜，一個月會到店裡用餐一至兩次。但係裴勇俊嘅粉絲就似乎唔多滿意偶像成日專注喺老婆身上，就連裴勇俊旗下嘅公司Keyeast嘅月曆，今年都將裴勇俊同朴秀珍放埋同一頁，擺明大晒恩愛，令唔少裴勇俊嘅日本師奶粉絲相當不滿話：「點解可以咁樣對自己『家人（意指粉絲）』！」似乎直到現時仍然未接受到偶像已做人夫嘅事實。