【特稿】
是咁的，人人都說石永泰是「高登佬」，網民熱話花生趣事定能細數。訪問尾段來個潮語測試，看看法律界高登佬的網絡遊歷經驗：「『姓梁的後裔』？《100毛》嘅海報嘛，邊個（東方昇）幫羅若off縛鞋帶」，當然「G」故事緣起第一家庭漏留機場的行李；「『有請小鳳姐』？（隨即自唱）熱烈地彈琴熱烈地唱……」，但他指最近沒事要唱這歌，反問記者知否原曲來自五輪真弓？

睡得少　多時間上網

甫見「食好西」三個字，高登佬搶着說「食東西吖嘛」，旋即將預備好的「廢燉」字牌收回，以「FF（Final Fantasy）」進擊，終於有不懂的，他誤以為是hehe女版：「係咪講lesbian？」
石永泰自言睡得少，可以花更多時間看書及上網，但原來漸被五毛減低到高登意欲，「呢排少咗，𠵱家好多forum（討論區）都被人hijack（騎劫）咗」，「而其實高登都out out哋」。識睇睇留言，好笑之時也嘆喟，「來來去去其實無限loop，網絡時代嘅人講嘢，真係唔使負責任。」網上有理說不清，現實「派膠」卻多得很，拿着「派膠」字牌，他說：「日日都有（派膠），麻木咗……因為派膠成日發生，所以先咁鬱悶。」
談到特首梁振英以fb與市民交流，「其實就算唔叫金鐘仁去管理、叫個lively嘅人去管理，都可能一日換嚟一萬個嬲嬲豬；問題唔在於係咪識玩fb，係咪識洗版，問題在於嗰個人本身，整個氣氛係佢整乜出嚟都俾人揼、俾人笑。」換特首是否終極解決方法？「要令到呢個令人唔高興嘅因素消失，可以係換另一個人做，亦可以係在位嗰個人洗心革面去改變囉」。
■記者許偉賢