【恭喜晒】譚凱琪與莊日宇正式成夫婦:我們決定餘生在一起
結婚譚凱琪
38歲譚凱琪(Zoie)與拍拖8年的富貴男友莊日宇(Enrico)在今年2月正式入紙登記結婚,當時譚凱琪表示日子尚未決定呀,而且亦想低調處理。今日Zoie在IG貼了數張婚紗和裙褂相,宣佈與Enrico成為夫婦,指她跟Enrico對彼此充滿好奇,因此決定餘生都在一起,還留言多謝大家的祝福。
雖然譚凱琪貴為豪門新抱,不過她結婚佩戴的首飾未見太浮誇,她戴一套珍珠耳環和頸鏈,同時戴5對龍鳳鈪,一切以簡約為主。今日有報道指譚凱琪疑雙喜臨門,陀B未夠三個月,決定推劇請幾個月假養胎,她也承認因有家事而推辭2部劇,暗示暫時不透露太多望大家明白,今日她貼出結婚相,相信她請假原因是先要籌備婚禮,至於是否有喜,從相中所見實在難以猜測,有待她公佈喜訊。
「少婦聯盟」成員沈卓盈、龔嘉欣和陳凱琳,她們表示因為有工作在身,所以未有出席婚禮,不過日前已經與譚凱琪開一個婚前派對,嘉欣還說:「結婚前一日都幫佢佈置婚禮嘅嘢,見到佢真係好用心去籌辦。」至於禮物方面,沈卓盈則稱大家商量後再決定。
譚凱琪今日回覆傳媒,她說:「本身婚禮設於海外,但因為疫情下暫時要延遲,不過老人家準備咗個好日子,我哋都尊重佢哋嘅意思,喺呢個日子先進行一啲儀式。但係喺呢個情況下,我哋都唔想打搞到太多親朋好友,所以嗰日喺摯親嘅見證下,進行咗斟茶同簽紙儀式。」她還說:「嗰個場面真係好溫馨、好感動,尤其喺斟茶嘅時候,屋企人對我哋嘅寄語,搞到我好感動,忍唔住喊咗出嚟。」她亦否認是雙喜臨門。
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》
龔嘉欣表示「少婦聯盟」為譚凱淇開了婚前派對。(IG圖片)