雷神啱啱禮拜日復出只贏一場，粉絲唔夠喉，呢晚返回主場谷草，跑到第七場已經中三元，逼番近榜首潘頓，將落後距離收窄至八W。雷神話贏就贏，重新展現神級功架，先贏兩匹大熱門「辣手先鋒」及「珍珠有利」，第七場加埋隻半冷W「喜寶駒」大演帽子戲法，個人今季單喺谷草，已經掃咗28場頭馬，新一代谷中王當之無愧！「喜寶駒」原本上仗已經開始用雷神，後來臨時退出，因利成便養精蓄銳等呢晚復出，正式由雷神接掌帥印，結果一放到底，輕取「信眼光」同「上浦猛將」，打開今季勝利之門，仲直接令雷神呢晚提早封王，跑完七場以三冠兩亞，大熱勝出騎師王順利冧莊。