去年四月，鄭女士的弟弟因肝硬化逝世，其母不堪打擊，同年十月病逝，鄭女士悲傷心情尚未平復，如今又再傳來丈夫死訊，叫她心力交瘁。「我唔明，好人點解會咁短命，以後嘅路，我唔知點行。」四十七歲的鄭女士泣訴。
「係百分百好老公」
鄭女士與丈夫阿偉結婚十九年，育有一名兒子，現年十七歲，正就讀中五。「我哋由拍拖至結婚，足足有二十幾年，從未試過嗌交，佢亦好錫個仔，兩父子好似朋友咁，有講有笑，喺我心目中，佢係一個百分百好老公、好爸爸。」
奈何這個幸福家庭卻被癌魔拆散，過去大半年，阿偉經常感到牙痛、面腫，上顎內又長出牙瘡，由於長久未癒，加上體重銳減，於是到醫院求診，經詳細檢查後，證實患了「上顎竇癌」。
醫生隨即替阿偉進行手術，包括切除右邊臉的上顎、牙骱，並摘取右眼眼球。
右臉上顎被切除
鄭女士說︰「阿偉做完手術之後，成個樣變晒，右眼又盲咗，心裏面好難過，但佢想到有機會好番，就表現得好堅強、好合作，重乖乖捱咗三十二次電療。」
可惜天意弄人，阿偉完成療程後僅兩個月，醫生證實他癌病復發，且癌細胞已擴散至淋巴核及肺部，藥石無效，阿偉於上月尾離世，終年五十一歲。
鄭女士連日來以淚洗面，並為亡夫的身後事憂心不已。「我好想為佢做埋最後呢件事，但手頭上已經冇晒錢！」