有17年冇拍劇嘅楊千嬅，最近應金牌監製陳寶華嘅邀請，回巢演出劇集《多功能老婆》，今日千嬅喺將軍澳出席記者會，雖然千嬅喺現實生活係一個烈女兼辣媽，不過佢話今次要收歛啲：「我今次係做賢妻良母，仲會有好多喊戲，因為成套戲有好多內心戲，又會講夫妻、男女關係，會好多內心掙扎，對演員嚟講係好有戲癮，呢套劇嘅拍攝手法好似電影，所以我冇乜唔適應，而且休息時間都好足夠！」

呢套劇將會拍到9月，唔知到時會唔會去陪阿仔去旅行？千嬅話：「唔會喇，到時我會接套電影，所以今個暑假丁生會帶個去仔去旅行。」黃浩然亦話到時要開劇，所以都唔可以陪兩個寶貝仔玩。

精選娛聞，喺晒《娛果》
http://fb.com/appledailyent