32歲戴夢夢喺15年同已婚嘅太極Ricky傳出戀情，夢夢同Ricky一直愛得高調，無懼世俗眼光，只不過呢段情最終都唔可以有好結果，日前有周刊報道稱夢夢同Ricky已經分手幾個月，夢夢仲被人影到日前同一個年約40歲嘅中年男過大海去咗銀河酒店嘅賭場玩兩手，全程攬腰又黐得好埋，尤如熱戀中嘅情侶。事後Ricky坦言與夢夢已經分手。(新聞連結： http://bit.ly/2s13wkK )

今日有周刊登咗夢夢最新回應，講到佢同Ricky的一段情，佢話大家都有共識，之前曾經為呢段情努力過，不過大家嘅步伐唔係好協調，最後決定分手。夢夢仲話喺呢兩年嘅拍拖生活都好開心，冇後悔過，今次唔係冷靜期，真係分開咗，當中亦唔涉及第三者。

至於Ricky方面，佢話大家分手已經有幾個月，大家因為有啲嘢唔協調，所以最後決定分手，不過佢仍然讚夢夢係一個好女仔，希望佢搵到一個對佢更好嘅人！