珍珠騷越Cup挑戰前輩
Rosanne墊胸拋窒劉嘉玲
劉嘉玲指梁朝偉對她的愛最為珍貴,但卻未有頭緒送甚麼聖誕禮物給偉仔。
戴上百萬珍珠頸鏈的劉嘉玲艷光四射,輕易迷倒品牌高層。
劉嘉玲、2R、文詠珊(JaniceMan)及榮雪梅等前晚在中環出席日本珍珠Mikimoto創辦人御木本幸吉150歲冥壽紀念派對,同場還有AmandaS.等示範名牌配飾。
劉嘉玲戴上百多萬珍珠鑽飾現身,連品牌高層都被嘉玲迷住,頻頻與她交談,劉嘉玲賣口乖說每個女人都應有一串珠鏈,而自己也擁有一條由母親送贈的珠鏈,但老公梁朝偉反而未有送贈,問她偉仔可是負責送鑽石?她說:「係呀!」再問到所指的是否名貴鑽戒?劉嘉玲即說:「貴嘢呀,不過係唔使錢嘅。」是否指兩人之間的愛?她甜笑說:「差唔多啦。」她又透露近日開始買聖誕禮物,但未有特別構思送甚麼予偉仔,她說:「年紀越大越平淡。」
提到曾與她傳緋聞的郭台銘太太曾馨瑩最近懷孕,劉嘉玲有點愕然說:「我睇報道睇到,係明年嘅事。」有否打算送禮?她說:「睇吓有冇揀到啲啱嘅禮物先。」
2R兩姊妹前晚性感現身,谷胸上陣的姊姊Rosanne成為全場焦點,搶去妹妹Race風頭之餘,更連同場大露背的JaniceMan也比下去,Rosanne直認加工,她說:「我有墊pad同戴bra㗎。」Race在旁邊說:「我唔介意輸畀家姐,好彩媽咪由細教我哋食珍珠粉,所以𠵱家皮膚同身體都keep得好。」對於風頭不敵2R,JaniceMan說:「每個人有唔同習慣,我未有膽量騷(胸),我嘅發揮之處係腰同背,我唔會谷胸,因為有陰影,以前試過戴nudebra走位。」她更謂不介意俾2R搶鏡。
採訪:羅慧敏
攝影:陳俊強