70歲「蘋果花歌后」楊燕噚晚尖沙咀文化中心開騷，成晚換咗3套衫，仲一套比一套性感，露腰，露背，仲露埋事業線嘅楊燕於台上話：「係咪好Sexy，後生唔敢着，反而愈老愈敢着。背脊好多肉，係咪好白，我冇塗粉o架！」

之後楊燕仲好開心咁喺台上面介紹一位神秘嘉賓，就係佢個女陳家嘉，兩母女仲合唱《甜蜜蜜》，點知唱完個女就叫阿媽落台，用普通話：「你太露了！快點換衣服吧！」