【有聽聞身體不適】李司棋證關菊英精神爽利 見面忍唔住要啜
關菊英羅蘭李司棋
今年初曾經傳出關菊英身體不適,多次出入養和,其間辭演舞台劇及被指曾抽取骨髓檢查。神隱半年後,她日前出席張國強(KK)的飯局,當晚同場的李司棋及羅蘭今日到葵芳出席健康分享會。
司棋姐表示每次老友聚會,都會交換健康養生心得,她透露經常有飯聚,只不過並非經常上載到社交平台,但日前跟菊姐飯聚相片獲不少回響,她說:「大家好開心,好多人留言叫大細契,佢精神爽利臉圓圓,我都忍唔住啜咗佢一啖。精神好好,可能冇乜開工,好fresh。」司棋姐指菊姐經常請食飯,只是有段時間各有各忙才沒見,加上自己忙舞台劇,而菊姐經常出埠去旅行。問到之前傳聞菊姐身體不適會否擔心?她說:「有聽聞,有人喺群組問佢,佢話冇嘢,傾偈又知佢把聲好精神,我冇理由再估。」她表示未聽過菊姐表示有工作計劃,至於會否再邀請菊姐歸組演舞台劇《秘密》?她說:「唔知,不過佢角色由江美儀做咗,應該未必返轉頭,希望有新鮮嘢再做。」
羅蘭姐指KK好有心,久不久便相約飯局讓老朋友相聚,而關菊英真的一段時間無見,問到菊姐精神如何?她說:「好好呀,司棋同關菊英都好耐冇見,今次可以見吓聚吓,佢(關菊英)仲講啱啱去完旅行。」羅蘭姐近期拍劇當中,問到之後會否抽空去旅行?她說:「有位朋友會約十六、七位朋友去坐遊輪,去過兩次,每次都好攰,因為事前執行李,返嚟又洗衫,而家都唔想去旅行。」平日不少場合都遇到胡楓(修哥),她指修哥是大忙人,不用工作便出席不同約會,她更爆修哥近日食滯了,更要解開兩粒衫鈕出席飯聚,又自備飯盒,將食物打包回家給家傭吃,免得浪費食物。
-----------------------------
《2019高級珠寶鑑賞誌》
點擊即睇過百款鑽飾名錶 -----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇