【更新：新增內容】
立法會港島區補選當選人區諾軒，遭親建制商人黃大海在工聯會王國興協助下向法院提出司法覆核，質疑區諾軒曾燒《基本法》、不符合參選資格，案件已排期本周五（16日）進行指示聆訊。區諾軒今早接受電台訪問時再度批評建制派對選舉結果「輸打贏要」，重申自己「無燒過一本《基本法》」，當日的示威行動只是焚燒《基本法》附件三彩色影印覆本，以抗議北京透過釋法影響香港法治，但不等於自己不擁護基本法。他稱已就有人提出司法覆核諮詢法律意見，周五審訊時希望法庭能還他公道，自己會按要求宣誓就任立法會議員。

區諾軒在節目中再次質疑王國興的動機，批評對方亦曾做過立法會議員，應明白當選的議員是代表著選民的意願進入議會，期望對方「高抬貴手、唔好輸打贏要」。他指特首林鄭月娥上台後曾提出「大和解」，現時王國興的行為卻是再挑動社會矛盾。

他強調，不能夠以一個人過去的立場釐定參選資格，「其實每個人嘅人生歷程同立場，係會轉或調整，咁你唔能夠話嗰個人，『喂，嗰個人以前做過呢一樣嘢嘅，以後就剝奪佢政治權利，冇得參選』，咁其實呢把刀真係好大把喎！」區以由港同盟過檔至民建聯、現為民政事務局局長的劉江華為例：「咁我係咪可以話，『喂，劉江華以前都係入過港同盟，咁係咪話你（劉）以前做過呢樣嘢，就以後都係呢個立場吖？咁佢好明顯依家就唔係啦！」

行政會議成員兼資深大律師湯家驊就認為，任何選舉爭拗都應透過提出選舉呈請的方式去處理，法庭一般會先看會否有其他途徑處理問題，若有其他方法一般都不會受理，故法庭會否受理今次司法覆核都成疑問。至於黃大海同時要求法庭頒布禁制令，禁止將選舉結果刊憲及區宣佈就任，湯就指法庭會視乎禁制令對社會的影響，相信頒臨時禁制令的機會較低。

立會補選新聞 《蘋果》一網睇晒
http://bit.ly/appledaily311