佢自言讀書一向唔錯,雖然會考成績係1A2B4C1D,但同當時期望有落差,因為有下過苦功嘅中國文學攞D,首嘗人生挫折嘅Shirley「喊到豬頭咁」;唔忿氣又有啲逞強,Shirley更加勤力咪書,最終高考獲3A1B佳績,攞埋獎學金去牛津讀大學兼考埋全級第一。佢話呢個小故事可以反映,只要有目標,冇嘢係做唔到。
Shirley嘅高中校服look好pure好true,外形咁標致,求學時應有男仔門口等放學?佢哈哈大笑話冇,但中七任Head Girl時就有粉絲:「啲初中同學好似當你係歌星咁,會同你影相同會接送。」