周四喺首爾舉行嘅南韓羽毛球公開賽，「黑妹」葉姵延喺女單次圈只花34分鐘，就以直落兩盤21:16、21:14輕取印尼球手格蕾歌莉亞（Gregoria Mariska Tunjung），晉級八強後會硬撼應屆世錦賽冠軍奧原希望。

男單方面，世界排名第9嘅伍家朗、以及第14嘅黃永棋兩位踡將就喺次圈齊齊出局。家朗打以直落兩盤18:21不敵印尼小將金廷（Anthony Sinisuka Ginting），至於永棋就以19:21、13:21不敵印度球手維瑪（Sameer Verma）。黃永棋賽後難掩失望，並直言可以做得更好：「有時候比賽就是這樣，總有一些意想不到的事情會影響到自己，我要戰勝所有困難，走到最高，我一定會趕快收拾心情，準備下一個比賽。」

至於混雙方面，鄧俊文/謝影雪喺次圈對東道主組合徐承宰/金荷娜，雖然先贏一盤21:12，但之後俾對手以21:18扳平，決勝負嘅第三盤打到「刁時」終以22:24飲恨，激戰58分鐘下以盤數1:2落敗。