近五次谷戰，呂健威四次有馬贏共取七W，晉身新一代谷草王。今期呂廐安排一對新勝馬「上海先鋒」及「勁飛揚」上陣，誓要在主場踩行油拋甩對手。
呂健威上季魚生粥僅僅贏夠13W畢業，今季強勢反彈，最近更成功超越文家良，榮膺首席華人倉主，以及新一代谷草王。今期「上海先鋒」及「勁飛揚」再戰谷草強項，結合呂廐季內四匹新勝馬跑谷草獲三冠一殿，勢必打鐵趁熱。
「上海先鋒」投呂廐後越跑越好，上賽在梁家俊胯下後上贏馬，加七分匆匆再跑，場地及配搭一概維持不變，有機會取得連捷。「勁飛揚」剛由蘇銘倫策騎大勝三個多馬位，加分後雖要轉戰三班，但同班同程以往曾兩捷，毫不吃虧，前季亦試過打叠贏馬，幕後今戰十居其九想重溫美夢。