武漢肺炎︱袁國勇：全民檢測一啲用都冇 紀律部隊未助追蹤 邊境仍漏毒
袁國勇封關全民檢測武漢肺炎警察
有傳港府一眾高官與專家日前北上深圳，與大陸衞健委會見，商討全民檢測和禁足令等問題；保皇黨近期亦積極製造輿論，力推全民檢測。不過政府專家顧問、港大微生物學系講座教授袁國勇對此有保留，直言若邊境仍「漏毒」未做好「封關」，又不動用至少逾萬名紀律部隊追蹤個案，「全民檢測係一啲用都冇」。衞生防護中心傳染病處主任張竹君指，相信當局會研究袁國勇的建議。
有建制派要求政府推全民檢測，袁國勇稱不反對全民檢測，但有保留，「就算你全民檢測咗，如果邊境都係有漏入嚟，或者冷藏貨物、食物入嚟帶有病毒，如果社交距離措施又全部放鬆晒，又咪一樣再爆，你係咪可以接受每隔一、兩個月做一次呢？」
武肺疫情在香港肆虐接近一年，袁國勇直言，政府在追蹤個案速度「唔夠快、唔夠有效率」，建議可考慮追蹤多一層的密切接觸者，「同內地專家傾過……佢地唔止追蹤密切接觸者，佢再追蹤埋同密切接觸者嘅密切接觸者，於是行前疫症一至兩步。」
他又建議，政府在追蹤個案時動用紀律部隊，「香港起碼用一萬個紀律部隊（人），當有病例出現，你能夠即時做到呢個（追蹤）……如果你唔動用咁多人力物力做呢樣嘢，全民檢測係一啲用都冇」，而每次追蹤和檢測應在24小時內完成。他又透露，政務司司長張建宗將在處理進口冷凍貨物上「做啲工作」，防止病毒經貨物輸入香港。
疫情反覆，主持人問及袁國勇，日前到深圳與大陸衞健委見面時有否被「詐型」。袁僅稱：「係內部秘密會議……我就唔方便再講多啲嘢。」
第四波武肺疫情持續，袁國勇在節目上稱，疫情已在高峯期回落，「都好大回落，最高約100（宗），而家60（宗）到，即係回落40%……唔係無回落，但點解回落得慢呢？因為有過冬啦，跟住有聖誕節啦，大家出街都睇到周圍都係人」。
但他相信，經過冬至及聖誕假期後，本港疫情會反彈，加上目前的社交距離措施，市民支持度越來越低，「估到跌得慢，甚至會有少少反彈，啱啱過咗冬至，個（確診）數目可會回升少少添」。但他強調，社交距離措施是唯一方法，又呼籲市民減少家庭、酒店聚餐，靜待疫苗出現。
有專家認為要進一步收緊社交距離措施，袁國勇認為，目前措施有一定效用，現階段難以再進一步收緊社交距離措施，「我覺得已經好艱難，業界個個話要破產、執笠」，若再收緊社交距離措施，隨時就是禁足，「再最後一步，要再收緊啲，基本上就係禁足，直情要落閘關鋪，呢樣嘢喺咪業界同市民可以接受？」
-----------------------------
-----------------------------