好多人行書展，純粹買吓書湊熱鬧，大家又有冇諗過，買書之餘又可以做善事？香港攝影記者秦偉出版嘅紀實影像圖集《在天堂之下》係一個選擇。秦偉04年起穿梭菲律賓馬尼拉貧民窟，用鏡頭攝下弱勢群體生活實況，希望讀者睇完可以有所反思。呢本書收益會撥交聯合國難民署同醫護行者做指定人道項目，一舉兩得。
各位龍友如果想影低狼振英愛將洪綺敏嘅書卷味，記住喺下周一3點半殺入會展，參與名為「e世代的公義．為民」研討會，因為呢場有林輝、洪為民同林祖舜同場嘅講座，係由洪綺敏做主持㗎，唔知佢到時會唔會着招牌式短裙呢？