《蘋果》噚日影到陳冠希(Edison)同新女秦舒培去大坑出席飯聚，跟手返酒店lobby等lift嗰時，即情深一吻，戀人關係斷正。

據知Edison同秦舒培拍拖約1年，而二人拍拖前，秦舒培已離婚，早前二人仲唔覺意喺網上疑似戴「情侶手繩」嘅相，一條棕色手繩配上一隻似係「馬騮公仔」圖案嘅飾物，睇真啲條綠色手帶，原來係美國大型音樂節Coachella嘅入場手帶，睇嚟兩人齊齊去咗睇騷，不過有粒珠仔嘅手繩，個款就好似。

另外，女方亦貼過一張iPhoneSE嘅相上網，仲話好鍾意呢款手機，夾都冇咁橋，Edison都收到一部相同嘅手機，上面仲貼住張memo寫上「Edison」，相信係女朋友仔送畀佢噃，一齊用「情侶機」!?