當年今日
關於我們

【慎入呀﹗】蔡少芬貼水泡照 示範「滾水淥腳」護理方法

蘋果日報 2013/10/06 06:00

蔡少芬

啱啱先講完好多藝人愛喺微博貼相,好似貼性感照、遊玩照、幸福家庭樂照片等等,不過除咗呢類照片外,有啲藝人都鍾意晒重口味照片──受傷/傷口照片,好似之前王祖藍試過貼一張生痱滋照片,睇完真係有少少嚇親。

而梁漢文六月時亦發生意外,左腳腳板底被尖石割至皮開肉綻,佢仲影埋自己隻血淋淋嘅腳貼上微博,相當駭人;及後梁漢文再貼一張佢縫針照,同樣令人感到少少不安。

今午就輪到靚媽咪蔡少芬(Ada)貼「重口味」愛傷照,佢噚日先同囡囡去沙灘玩,仲晒白滑玉腿,不過原來佢日前被滾水燙傷腳,佢喺微博分享「滾水淥腳」嘅護理方法。

Ada為咗令大家睇得更清楚,就貼咗幾張「滾水淥腳」嘅相,由相片可見Ada當時傷勢唔輕,水泡大到成個小籠包咁,之後仲要整穿佢,嘩!諗起都痛。

Ada就喺微博同大家講: 「和大家分享經驗,被熱騰騰的水燙傷,過程就是這樣,不用去醫院、看醫生,燙火膏就可以,水包(指水泡)自己不敢剌破就學我叫老公做!過2天就不住用護膚膏就可以了!感謝主熱水沒傷到包子,所以我只感肉痛,沒有心痛!」

而Ada好朋友伍詠薇仲話:「陰公,好痛的。快快好起來,強妻。」

至於張晉就笑老婆:「每張照片都像壞了的---火腿腸。」