日本4人女子樂隊SilentSiren今晚喺九展開騷，佢哋已經係第二次來港演唱，所以早有準備，學咗好多廣東話，包括超開心、大聲啲、仲有港女口頭禪「真係㗎」，又不停大叫我愛香港。

不過，佢哋喺歌曲《Luckygirl》同《牽着手》中加插咗廣東話歌詞，但就冇人聽得明，勁尷尬。而SS仲向全場粉絲派閃燈手帶，會配合歌曲節奏閃動。Encore時4名成員換上T恤出場，最後更與粉絲大合照。