【本報訊】伊利沙伯中學中四生鍾安業是今屆國際數學奧林匹克的銅牌得主，這位「數癡」自小四開始，每次購物抽獎必先計算或然率才參加，「我會睇吓抽獎要使幾多錢，抽到嘅機會同埋份獎品幾多錢，睇吓抵唔抵先。」中學時更編寫「成績表」電腦程式，運用統計學去預測來年學業成績，「計出嚟同實際近似，只係偏差幾分。」連下期六合彩號碼也可藉此推算，他卻以不合乎成本效益而放棄，「要將之前好多期嘅冧巴入落電腦，好嘥時間，唔值得咁做。」
香港隊於在上周完結的國際數學奧林匹克奪得歷來最佳成績，在九十一隊參賽國家中排第十七，六位數學天才合共奪得一金、三銀及一銅獎。各隊員都自言從小已迷上數學，鍾安業讀小二時，做數學功課已比其他同學「諗多啲」，「做緊一加二加三嘅加數，我就會試吓計，一加二加三加到N，條公式會係點」，這條他研究了很久的難題，後來發現原是中四數學課程內容，他坦言對自己要求一向很高。

奪得金牌的沙田官立中學中六生蔡潤培稱，小學的數學課程吸引力不大，「直到畀老師提名去玩比賽，接觸到課程以外嘅數學，先覺得數學原來係好有趣。」他認為今次勝出只是運氣使然，且參賽表現尚待改善，「有時做數唔係太集中，坐喺我附近嘅中國隊做數做得好快，我做做吓就掛住望佢…」
香港隊副領隊潘維凱說，是次比賽在墨西哥分兩天舉行，每次歷時四個半小時，數百名參賽者在會場內進行筆試，其間由大會提供食物來補充體力，競爭氣氛劇烈，「佢哋好投入，搭飛機去嗰陣已經攞本數出嚟做，比完賽嗰晚都繼續做，對數學真係好有熱誠。」