當年今日
關於我們

【拿不到的厚禮】遭「機師」網騙33萬 少婦:老公叫我以後唔好咁豬

蘋果日報 2019/03/19 20:07

機師Google Translate網騙

飛機師通常予人浪漫、英俊、有經濟能力等感覺,故此機師身份歷年來都是騙徒假扮的熱門之選。不甘慘墮「機師網騙陷阱」、憤而入稟追討的女主角,強調兩人之間只是閒話家常,直指「佢冇咩吸引我噃」,不過「就係信佢,唔知點解」。現在她最害怕的,就是被家人知道她受騙而責怪她。她總結教訓:「以後唔識嘅唔add。」
事主鄭女士憶述去年某天,自言是美國機師的James Chung在facebook邀請她成為朋友。James Chung的個人頭像,正是一個機師坐於駕駛艙內的相片。鄭抱著「識多個外國朋友都好」的心態,受邀成為朋友。
以英語溝通 事主:我用google translate
被問到如何溝通,鄭指「我哋都係用英文溝通,我用google translate咋嘛」,兩人就這樣展開近半年的「鍵盤交往」。後來James表示願意送上禮物,鄭盤算後提出,希望獲贈CHANEL手袋,「咁佢話送嘢畀我,呢啲野,我自己唔會買㗎嘛,咁佢送咪要囉。」
鄭隨後獲知「厚禮」已逐步接近自己,為解決各種「難題」,她在短短幾日內猶如著魔一樣,先後將合共33.3萬元存進對方指定的銀行賬戶。她當時一心只想盡快將「厚禮」拿到手。
不過,鄭強調:「我哋從來冇傾過有關飛機師嘅話題,亦冇諗過有機會坐佢嘅航班去旅遊,大家都係閒話家常。我同佢交往,我老公一路都知,我連結婚相都send埋畀佢添。佢冇咩吸引我噃,做朋友都唔會問人哋咁多嘢啦﹗」
「以後唔識嘅唔add」
鄭又透露:「嗰啲錢係我十幾年工作嘅積蓄,唔開心都有嘅,但冇喊過,我個人都正面嘅,唔發生都發生咗,都要面對佢。」
鄭續指:「雖然案件有進展,但最擔心係攞唔返啲錢。其實有曾經諗過算數,我知道有廿幾萬凍結咗,今次好彩係警察有受理,而我都冇做過乜嘢,冇興趣知佢點查,我只想攞返啲錢。」
幸獲丈夫「點醒」,鄭女稱:「老公冇鬧我,只叫我以後唔好咁豬。」她慶幸事件未有影響生活,笑言「繼續努力囉,以後唔識嘅唔add」,自言「今次蠢咗囉」。
記者羅日昇
-------------------------
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
-------------------------
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
empty
騙徒便是以這幅頭像照騙到事主。(事主提供)
empty
騙徒將名貴手袋及手錶的圖像發送給女事主。(事主提供)
empty
女事主仍留下與騙徒的對話內容,惟對方的留言及頭像已刪除。(事主提供)