【爆相爆片】文詠珊(Janice Man)上月中受到時裝品牌LV邀請去日本京都睇時裝騷,完騷後佢都有貼相上社交平台,原來JM此行寓工作於娛樂,仲唔係單人赴會,本報讀者蘇小姐就透過《蘋果》爆相爆片,喺時裝騷前兩日,目擊JM同有米男友吳啟楠(Carl Wu)去咗當地著名景點伏見稻荷大社,JM身穿白tee襯牛仔褸同緊身牛仔褲,而Carl就着紅色polo tee襯牛仔褲,一對戀人輕裝去拍拖。
相中所見,JM揸住手機幫男友影相,而佢亦有扮chok甫士畀男友影,蘇小姐回憶當時情況:「當時大約係日本時間5點幾,初初見到個女仔好熟面口,望真啲原來係Janice Man同佢男友。JM心情好好咁,不停咁自拍又周圍影相,有同男友拖手,好開心、好sweet咁,見到佢嘅時候,JM都差唔多離開喇!」