當年今日
關於我們

【三點式輕撥濕髮】高海寧搏盡減磅拍落水戲:絕對係人生最弗

蘋果日報 2017/06/18 20:27

高海寧沈卓盈賭城群英會

由大台同王晶聯合製作嘅《賭城群英會》,播映日期兩度被抽起,終於……喺聽日播出。早前流出嘅trailer中,唔少人都覺得同王晶舊作《賭神》極為相似,「聽骰」、「變牌」呢啲必備橋段,都係預告片出現,當然唔少得索女着泳衣啦。
現年30歲、擁有34D出眾上圍嘅高海寧(高Ling)繼《不懂撒嬌的女人》同游生泳池相遇後,今次喺《賭城》又有一幕出水芙蓉鏡頭。今日高Ling同黃浩然、楊明、陳法蓉等一眾演員喺將軍澳宣傳呢部劇,高Ling現場打扮較保守,只係着咗露肩裝,比起沈卓盈輕露事業線略為失色。
不過,現場播放嘅片花中,就見到高Ling着住三點式泳衣輕撥濕髮,泳衣款色明顯比《不懂撒嬌》更性感,見到4吋事業線。黃浩然即場爆料,話高Ling為咗呢場戲積極減磅,笑言自己就食住串燒陪對方。高Ling苦笑話:「呢場戲原本係開拍無耐已拍,但場地問題搞到尾段先拍,我足足戒口3個月,烚蛋、烚菜仲要不停跑步,絕對係我人生最弗嘅一套劇,仲瘦過選港姐。」問到夏天會否接泳衣騷?高Ling透露已接咗瘦身廣告,相信fans好快又可以大飽眼福。
empty
高Ling喺《賭城群英會》中有唔少性感演出。
empty
《不懂撒嬌的女人》高海寧都有游水一幕。(電視截圖)
empty
楊明與沈卓盈
empty
黃浩然與高海寧
empty
高Ling呢輯旅行相,真係萬能key。