「金輪法王」張雷，今日着住時裝喺商台接受訪問，近排佢參演ViuTV嘅劇集«詭探»好評如潮，佢話自己喺呢個劇雖然唔係扮鬼怪，但都覺得角色幾得意，播出時自己都有睇。

張雷話都有同電視台傾繼續合作，亦有同無綫斟洽合作，佢話：「最主要就到時間，有時無綫拍嘢時間較長，要就到做出面工作，因間中去拍內地嘢同埋登台，所以傾時問有幾多休息時間。」

張雷經常到唔同地方做嘢，張雷話冇刻意帶埋年初結婚嘅太太同行。(新聞連結： http://bit.ly/2osUgUk )佢話：「又唔使特登咁樣爭取見面，少啲見都好，我哋唔使24小時見嘅，我哋係獨立生活個體，幾日見一次都幾好。」