「2016香港先生選舉」上星期進行第二輪面試，喺今日下晝就會喺電視城舉行首次gathering，13個參加者中，有3個係首次面試，加埋另外10個已入圍嘅。

首次嚟面試嘅簡少傑（Kent），今年23歲，喺溫哥華返嚟，今日由叔叔陪同到場。佢話自己喺溫哥華住，同喺當地講大學，問佢如果贏咗港男會唔會入行？Kent話：「因為自己學業仲有半年就畢業，所以會讀埋書先再算。」當記者話佢個樣有少少似黎明，問佢有冇被人咁樣話過，佢尷尷尬尬咁話：「冇。」

另外，今年24歲嘅「脹版許志安」伍禮騫，係個model，大大隻隻有啲手瓜咁。問佢係咪打算同消防員拗吓手瓜，自言得41吋胸肌嘅伍禮騫謙虛答：「佢贏啦！佢胸肌都多我一吋，」對於能夠入圍，佢話覺得非常高興，好希望可以做得更好。再問佢有冇自備泳褲？「冇呀，因為今次只係見吓面同其他參賽者。」