聖誕佳節都係情侶間特別注重節日之一，周麗淇（Niki）同男友仍然熱戀中，當然要好好準備一下。

Niki今日現身尖沙咀參與關懷愛滋病活動，講到點過聖誕，佢話:「我要喺香港開工，男友都要喺內地拍劇，唔知佢到時會唔會嚟香港，我就自己安排好喺屋企開派對兼下廚。」Niki仲好有心思親手為男友準備咗手作仔禮物，不過保持神秘唔肯講係乜，相信男友都好期待拆禮物一刻。

至於台慶頒獎禮，佢就話好似有工作在身出席唔到，而佢本身同TVB嘅合約都完咗，而會唔會續約就隨緣。