馮允謙(Jay)同梁雨恩上午齊齊現身九龍灣零碳天地出席活動，仍然沉醉緊國際巨星麥當娜(Madonna)喺香港嘅表演上，Jay亦都唔例外，仲一早幫襯咗黃牛飛去睇娜姐:「原價係千幾蚊飛，高一倍先買到，而且個位有啲側。」雖然係咁，但佢都大讚娜姐演出:「好正！佢跳舞好好，完全睇唔出佢已經57歲，睇完都想有自己演唱會。」

不過Jay話自己係天主教徒，所以同時又覺得娜姐嘅表演內容對佢嘅宗教好似有少少冒犯，Jay話:「而且我見到有Part，女dancer直情赤裸上身，現場有小朋友响度好似唔係幾好。」

至於，梁雨恩早排話新年期間為機構籌款，會同張惠雅等一齊行路上廣州，日前已經行完返嚟，佢話成個旅程好有意義:「我哋沿途去探訪農村，全程行咗五日左右，每日要行二、三十公里，第一次試行咁多路。」