林雪最近幫ViuTV主持節目《歌度有...林說金曲》，嚟緊一集佢學做MODEL，搵咗喺charming教學嘅名模Ana R.教佢擺甫士，成個過程笑料百出，難得Ana忍到笑，好專業咁教雪雪叉腰、挺胸同埋點樣做出Cool Face，其間Ana叫佢由心而發擺甫士，點知林雪用隻手喺心口捽捽吓，搞到Ana終於都忍唔住笑。

肚腩大個心口嘅雪雪，被Ana要求佢做出挺胸收腹動作最辛苦，就算閉氣都唔多收到佢個腹，一臉痛苦。最後，工作人員就教雪雪用英文同Ana溝通，問佢鍾意乜嘢歌。

Ana講到今次教雪雪做Model，佢話：「雖然同佢雞同鴨講，但睇得出佢好努力咁留意我嘅身體語言去模仿，同埋知道佢嗰日好攰，但都頂硬上，值得欣賞。」