兩間拍賣大行蘇富比同佳士得，噚日繼續舉行預展，首次同拍賣行合作嘅台灣繪本作家幾米重親身到場，佢兩幅作品「過份擁擠想像的快樂，從日出到日落」同「深秋的早晨，聆聽一隻蝴蝶最後的歌唱」聽日拍賣，估價由萬二到萬八蚊，幾米話：「我由去年年底開始畫這兩幅畫，一月下旬就完成，首次和拍賣行合作，感覺很是新鮮。」咁佢覺得萬幾蚊嘅估價算高定低？幾米尷尬笑一笑：「我都不知道這類畫在市場的價值，如果到時沒有人競投，我便自己出錢買回囉。」
另外，佳士得展出兩套喺日內瓦運嚟嘅首飾，包括重150卡嘅緬甸紅寶石頸鏈，以及藍寶石「東方藍巨人」，估價分別過千萬元。



傳真︰2623-9278
電郵︰[email protected]