【韓流】粉絲小心受騙! Wanna One 10月港騷黃牛炒貴五倍
PRODUCE 101Wanna One
出演韓國選秀節目《PRODUCE 101》男團版而出道嘅限定男團Wanna One,將於10月3號首度來港舉行粉絲見面會,門票上周五公開發售,門票亦好快售罄。
由於有唔少粉絲都未能成功搶飛,搞到黃牛黨趁機謀利,現時喺淘寶有大量飛出售,當中最貴$1,480門票索價3千多元人仔至6千人仔不等,差不多係原價五倍。主辦方就呼籲粉絲唔好喺不法途徑購買門票,以免受騙。
另外,Wanna One成員李大輝轉讀首爾公演藝術高中,並會與成員朴志訓成為校友。