古巨基今日喺商台宣傳新歌《初心》，基仔仲自編自導自演微電影，佢話希望能執導開拍電影，現已籌劃一個有關勵志故事嘅劇本，但因為太忙遲遲未成事。基仔話，自從多年前拍《環珠格格》後，已經好耐未拍過電視劇:「有套大陸劇傾緊，個故事係似上海灘，係度身訂造俾我。」

另外，基仔會擔任周慧敏(Vivian)演唱會總監，日前Vivian已試歌衫，佢話啲服裝性感又靚，問到係咪好似當年對方穿宮廷裝般震撼效果？佢話：「一定好犀利，佢試完衫都話吓!原來係咁。以為我好似家人咁，會俾我溫暖啲，仲問會唔會凍親。」但基仔話會為老友把關，盡量令Vivian最靚嘅狀態下演出。

更多娛聞，喺晒《娛果》
http://fb.com/appledailyent