患過度活躍症的12歲姓鄭男童，昨晨在荃灣劏房住所收衫時墮樓致腳部骨折，情況一度危殆，經醫生搶救後，情況終漸穩定下來。鄭母稱，兒子腳傷已打石膏，肋骨的骨裂有待時間癒合，總算讓她放下心頭大石，又謂新屋已經安裝窗花，並會用鎖頭鎖起；至於鄭母自己因兒子墮樓被捕及有可能被警方檢控疏忽照顧，她只感到無奈。

鄭母（42歲）稱，長子在內地出世，1歲左右已經移居香港。「好細個已經發現佢同其他小朋友唔同，比較活躍。喺深圳睇過醫生，話佢無事；最終喺香港再排到隊，（醫生）確診有過度活躍。」

鄭母續稱，長子小時候比較百厭，「大大吓定咗，現在好少亂嚟」。兒子半年前因為胃痛，停止服食過度活躍症的藥物，醫生也知道，現時仍需定期覆診。

她相信今次墮樓意外與兒子的過度活躍症無關，「佢唔鍾意同細佬一齊返學，鍾意自己返，又堅持要穿着運動服」，墮樓後他痛極呼救，驚動街坊報警。現場所見，窗戶離地約4呎，床架約2呎高，鄭童站在床上俯身收衫，確實很危險。

現時鄭童右小腿骨折已打石膏，稍後會安排做手術，至於腰間兩條肋骨骨裂，則有待癒合，幸醫生表示情況樂觀。

對於因涉嫌疏忽照顧兒童，鄭母已被警方拘捕，更有機會被落案刑事檢控，她表示無奈：「無辦法啦！佢大個仔，唔肯跟你返學、跟你出街，唔留喺屋企，留喺邊度呀？」

【六四30】守住歷史 拒絕遺忘
https://hk.adai.ly/zdzKtt2RiW

你敢爆，我敢獎！ 立即WhatsApp《蘋果》24小時爆相爆片熱線 或致電：63836568