台灣藝人吳尊自從做完《爸爸去哪兒》之後，屋企人嘅曝光率明顯多咗，好似前喺微博貼咗同老婆嘅合照，噚晚仲貼埋爸爸嘅相。

原來吳尊為爸爸慶祝72歲生日，阿女Neinei、阿仔Max同埋老婆都齊齊入鏡，但係成張相嘅亮點，已經唔係吳尊嘅一家四口，而係吳尊嘅爸爸。睇完張相點都估唔到已經72歲，冇白頭髮亦唔覺有皺紋，睇起上嚟似中年人多過老人，凍齡能力認真驚人，同吳尊似兩兄弟多過父子！

吳尊都貼咗爸爸後生嘅相，想當年吳爸爸英俊有型，吳尊亦盡得真傳，吳尊留言話：「今天是我爸72歲生日，簡單的慶祝，滿滿的喜悅，他還分享一張跟我一樣man的照片。」

查實吳爸爸吳景添喺汶萊已經係地產大亨，大伯吳景進係汽車代理董事，仲係汶萊十大富豪之一，而且又俾皇室封「宮廷大臣甲必丹」，成個吳尊嘅家族同汶萊蘇丹又係世交，有錢又靚仔，真係令人好萄葡！

精選娛聞，喺晒《娛果》
http://fb.com/appledailyent