每次摩連奴帶領嘅球隊輸波或者失分，球迷就會相當期待佢賽後接受訪時嘅言論，周日對曼城後就話「球證犯錯，曼城好運」，最後比數應該係2:2咁話。不過回下帶睇，原來摩佬有啲言論，依家係會畀傳媒用返黎形容佢。

講緊嘅係2004年，摩連奴帶領車路士喺主場史丹福橋出戰熱刺，最終賽果打成0:0。賽後，摩佬批評當時由前法國國家教練辛天尼帶領嘅熱刺該仗極為保守，就好似「泊咗架大巴士喺龍門口」，唔畀車仔進攻，成為第一個用「泊大巴」黎形容人地死守嘅教練。不過時移世易，「泊大巴」家下就變左摩佬防守戰術嘅代名詞。

另外，仲有2005年歐聯4強對利物浦嘅比賽，路易斯加西亞開賽4分鐘射入一球。賽後，摩連奴就發表左著名嘅「幽靈入球」言論，話個球根本就唔係入波，加拿斯解圍個陣，個波係未完全過哂白界，所以與其話係路易斯加西亞入波淘汰車仔，不如話係旁證入波淘汰車仔。

--------------------
球迷一定要知！英超一哥曼城，已經登陸​『BFB​』​！登入即送藍月球星： http://bit.ly/2AAiPDS