【有望收20億人仔】《美國隊長3》開畫速破2億人民幣登內地影史第四位
蘋果日報 2016/05/07 06:00
羅拔唐尼鐵甲奇俠蜘蛛俠RobertDowneyJrChrisEvans基斯伊雲斯米倉涼子美國隊長3MarkHamillTomHollandCaptainAmerica：CivilWar麥克咸美英雄內戰
《美國隊長3》昨日內地開畫，首天速破2億人民幣。
《美國隊長3：英雄內戰》（CaptainAmerica：CivilWar）上星期喺香港搶先上映，直至噚日已累積逾7,600萬港元，今個禮拜輪到北美同大陸相繼開畫，單係內地票房已相當驕人，開畫首天即破紀錄，截至今日中午前更累積2.4億人民幣。
《美國隊長3》肯定係近期全球最熱電影，「美國隊長」基斯伊雲斯（ChrisEvans）、「鐵甲奇俠」羅拔唐尼（RobertDowneyJr.）大玩內訌，兩派各自招攬新血幫拖，「美國隊長」方面有「寒冬戰士」施巴斯坦史丹（SebastianStan）、「鷹眼」謝洛美維納（JeremyRenner）、「紅女巫」伊莉莎伯奧遜（ElizabethOlsen）、「飛隼」安東尼麥奇（AnthonyMackie）、「蟻俠」保羅活特（PaulRudd）。至於「鐵甲奇俠」陣營就係「黑寡婦」施嘉莉祖安遜（ScarlettJohansson）、「幻視」保羅比特尼（PaulBettany）、「黑豹」查特域克保斯曼（ChadwickBoseman）、「戰鬥機器」當積度（DonCheadle）同埋全新登場嘅新版「蜘蛛俠」TomHolland。
《美國隊長3》令全球Marvel迷為之瘋狂，中國噚日正式開畫佔54.8%排片比例，更壟斷當日84.9%嘅內地票房，加埋午夜場嘅1,700萬人仔進帳，票房首天已輕易衝破2億大關，呢個成績登上內地電影史嘅第四位，僅次於《狂野時速7》（Fast&Furious7）嘅4.01億、《復仇者聯盟2：奧創紀元》（Avengers:AgeofUltron）嘅2.24億、《星球大戰：原力覺醒》（StarWars：TheForceAwakens）嘅2.15億人民幣，有望總票房可達20億大關！
《美國隊長3》肯定係近期全球最熱電影，「美國隊長」基斯伊雲斯（ChrisEvans）、「鐵甲奇俠」羅拔唐尼（RobertDowneyJr.）大玩內訌，兩派各自招攬新血幫拖，「美國隊長」方面有「寒冬戰士」施巴斯坦史丹（SebastianStan）、「鷹眼」謝洛美維納（JeremyRenner）、「紅女巫」伊莉莎伯奧遜（ElizabethOlsen）、「飛隼」安東尼麥奇（AnthonyMackie）、「蟻俠」保羅活特（PaulRudd）。至於「鐵甲奇俠」陣營就係「黑寡婦」施嘉莉祖安遜（ScarlettJohansson）、「幻視」保羅比特尼（PaulBettany）、「黑豹」查特域克保斯曼（ChadwickBoseman）、「戰鬥機器」當積度（DonCheadle）同埋全新登場嘅新版「蜘蛛俠」TomHolland。
《美國隊長3》令全球Marvel迷為之瘋狂，中國噚日正式開畫佔54.8%排片比例，更壟斷當日84.9%嘅內地票房，加埋午夜場嘅1,700萬人仔進帳，票房首天已輕易衝破2億大關，呢個成績登上內地電影史嘅第四位，僅次於《狂野時速7》（Fast&Furious7）嘅4.01億、《復仇者聯盟2：奧創紀元》（Avengers:AgeofUltron）嘅2.24億、《星球大戰：原力覺醒》（StarWars：TheForceAwakens）嘅2.15億人民幣，有望總票房可達20億大關！