今年六月開始，十八區遍地開花，娛圈生態隨之大受影響。

電影產量減少至三十多部，演唱會也不斷煞停。唔做執業大律師，一心轉行做娛圈的林作，也不得不叫暫停。不過一直在名牌補習社教英文的他，近日「生意」出奇地好，他說：「你話係咪完全關乎社會狀況，唔係完全，你話係咪因為咁樣多咗人，係嘅。但係咪樂意社會咁亂，而自己生意好，梗係唔係。」補習學生不斷增長，他說：「最近確實係學生源源不絕，一位都難求。因為社會情況，好多人都想去外地讀書，至少有機會出去，多咗好多人嚟學英文，因為要應付考試，而我哋既準備，都幾幫到佢哋。」據了解，近日學生數量是之前的四至五倍，因應社會狀況，他更會做多一瓣，搞移民生意，令他有此諗法，原來跟家人有關，他說：「我自己有幾個表姐表弟，超過一半都移民外地，所以都比較有得做。總之移民、留學都係往外輸出。」他說就算正常日子，他也是「斜槓族」：「我比較特別少少，斜槓族，乜都涉獵吓，最緊要留得青山在。」



對於近日不少人談論83年前出生港人享有居英權一事，他這樣說：「講緊81年通過一條法條，當時揸住BNO三粒星香港人，由殖民地公民變為屬土公民，首先係轉咗性質，而轉之前，係屬於殖民地公民。而家講嘅位，係法律上點釐清，而唔係講修例，純粹係嗌。而提出嘅係英國組織HONG KONG WATCH。」林作指除非有人走去英國申請私法覆核，又或英國政府突然出聲明接受條例咁樣係WORK，即83年前出世的人有居英權。

「我冇做真正研究，所以唔能夠真係答到你。」他說。

不過他接觸的移民個案，美、加、澳佔大多數，移民英國的反而不多，尤其是澳洲是熱門地點，他認為跟香港氣候差不多有關。

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇



-----------------------------

【升級壹會員登記站 為你解疑難！】

親臨旺角做升級壹會員，即送「香港人：抗爭之夏」限量明信片

詳情地址