當年今日
關於我們

黃毓民轟鄭松泰人渣講大話 「熱狗仔隊」獲大筆捐款後無影

蘋果日報 2017/06/14 12:02

黃毓民熱血時報本土派狗仔隊網台熱血公民鄭松泰青年新政梁頌恆游蕙禎MyRadio

熱血公民立法會議員鄭松泰的內部會議錄音日前曝光,鄭在錄音中稱要與青年新政梁頌恆、游蕙禎「扮friend」,因「大眾白癡」,以為熱血公民是本土派;又謂去年已與選舉盟友、網台MyRadio創辦人黃毓民「溝通唔到」,稱對方「掂到我底線」。黃毓民前日在網台節目,反斥鄭等人是「人渣」,在錄音中「講大話」,又質疑《熱血時報》早前眾籌設「熱狗仔隊」,獲其老友捐逾20萬,但至今仍未見影。
對於鄭在錄音批評黃毓民創辦的MyRadio,突然暫停由《熱血時報》負責人黃洋達主持的網台節目《大香港早晨》,「掂到」其底線,令他感到不能與黃毓民溝通。黃毓民則反駁鄭,直斥對方「講大話」,「X你老味戾橫折曲,底線,乜X嘢底線啊你嗰條?咩紅線啊?你咁X巴閉?」他又提到自己曾撰長文提及鄭,但因對方「驚X咗黃洋達」,沒有轉發,故致電鄭「XX佢」。
黃毓民又質疑《熱血時報》早前公開募捐,成立「熱狗仔隊」,但收款後「狗仔隊」卻不見運作,「我啲老友係咁課金畀你,X你老母回水添啊人哋而家追你,狗仔隊喺邊啊?畀X咗廿幾萬你,有晒收條喺度架。」
黃毓民反問黃洋達、鄭松泰等人,「我有咩對你哋唔住啊?除咗我老糊塗信錯你之外,有咩對你唔住啊?」並指自己敗選屬上天眷顧,「呢班真係人渣嚟……選輸呢上天對我就非常之眷顧,(他們)露X晒(真面目)出嚟。」
對於鄭不滿黃毓民在網台節目中,將組織圍內互相封鎖的內部恩怨,與選舉盟友、城邦論倡議者陳雲所提倡的清算本民前支持者、「清算偽毒派」等具「公共性」的話題扣連,黃毓民亦加以駁斥:「我反對清算,一早話畀你聽架啦,清乜X嘢算啊?清乜X嘢黨啊?大家政見唔同、諗嘅嘢唔同,咪bye bye囉,好X簡單之嘛,啱唔啱啊?我又唔使求你哋。」