當年今日
關於我們

郭晉安豪裝幾百萬屋企似酒店咁靚

蘋果日報 2015/07/31 06:00

蘋果郭晉安萬綺雯即時JoeJunior蚊蚊義剪日

郭晉安、JoeJunior今日喺石硤尾出席「全城義剪日」,安仔依家放緊假,下星期一家去泰國陽光與海灘,佢話屋企已經裝修8個月,半個月後可入伙,問佢係咪豪裝?佢話:「係呀,要幾百萬,哥哥幫我搞,設計到成間酒店咁,我個仔都話唔使去旅行,屋企似酒店咁靚。」

安仔話之後要努力再搵錢,有時會返內地出席活動,提到近日內地發生電梯意外,安仔自言改行樓梯,當練腳骨力,佢話以前都試過困喺電梯一個鐘,最怕係冇氧氣。

講到萬綺雯(蚊蚊)暫不續約無綫,佢話:「係啦,之前都同佢傾過,好可惜,佢仲做到,希望佢繼續拍戲。」蚊蚊5個月死了6隻貓,心痛不已,安仔也謂真係好大打擊:「或者送過隻貓貓俾佢,但要等佢準備好先。」