【有料到】雷神揀得必有道理！「木火同明」更勝「凌駕」（韋倫）
蘋果日報 2019/12/30 20:40
韋倫莫雷拉有料到木火同明
木火同明
莫雷拉Boxing Day賽日連場熱倒，之後就因感冒缺席剛戰賽事，雖然未知是否完全康復應付元旦日（2020年1月1日）賽事，但畢竟這是雷神，配合實力座騎始終有較高勝算。
第四場四班1600米，莫雷拉不騎上仗跑第二且不斷進步的蔡廐馬「凌駕」，反而是為上仗三甲不入的「木火同明」出戰，觀乎這匹何廐馬上仗表現，今次增程跑一哩，相信雷神唔會揀錯馬。
「木火同明」今季開始上陣，首戰102倍跑入亞席，無心插柳有此表現質素應有保證。
翌仗再跑1200馬兒缺乏加速力，練者於是安排「木火同明」增程，仲扳到莫雷拉操刀，可惜馬兒起步慢一慢，索性走入內欄慳位，入直路電光火石之際，雷神選擇兩駒之間的空位，可惜太窄衝刺不順，大勢已去。
「木火同明」跑1400米況且慢腳，今次進一步增程至1600米，雷神愛不釋手自有其道理，何廐近期展開攻勢，「木火同明」更具留意價值。