韓劇《玫瑰人生》已故女星崔真實女兒崔俊熙，早前接二連三成為新聞人物，自爆因長期受到外婆暴力及精神虐待，患上抑鬱症兼曾企圖自殺。

當時警方有介入調查崔俊熙有冇被虐待，而噚日警方就指崔俊熙被外婆虐待案件以無嫌疑終結，當中警方指調查後發現冇疑點，同時警方亦查問咗外婆以及崔俊熙嘅哥哥等人，進行咗五小時調查。至於崔俊熙外婆鄭玉淑接受韓媒《The Fact》電話訪問時，對於唔少傳媒對佢哋家事作胡亂推測大感不滿，亦表示好痛苦，令到佢哋家支離破碎。同時鄭玉淑指因為受到外間壓力，所以身心都受影響，仲一直喺醫院留院接受治療。

對於被虐案終結，崔俊熙今日上午就喺Instagram留言：「好傷心」，未知是否受事件影響而有感而發，而呢個留言之後亦已刪除。