今季兩個所謂新面孔騎師，史卓豐拼勁一流算做對辦，但兩季前曾來港進駐一季嘅霍勵賢，絕對可用「退步神速」形容，去到此刻只贏過一W，最令人困惑係好多馬落入佢手輸得不明不白，感覺霍勵賢較今季不獲發牌嘅薛寶力還要差，輸得最冤枉代表作應係「翡翠紅星」同「縱橫大地」，早段好整以暇看似大把在手，直路其他馬已望空衝刺，霍勵賢卻仍在雞手鴨腳搵空位！另一匹「縱橫大地」輸法亦一樣，排二檔黃金好位早段跟跑無可厚非，但問題係入彎後人人發力走，但他繼續夢遊中，只要肯騎得主動一點點，「超凡夢想」怎可能捱到？基本上兩駒輸法一式一樣！
今次「翡翠紅星」、「縱橫大地」都換人，應該可以沉冤得雪，「翡翠紅星」換潘頓，試完寧願捱餓造磅都肯騎，睇得出佢有絕對把握；「縱橫大地」更由雷神出馬，睇數據此類馬但凡落入雷神手，通常贏到你唔信！