美國天后Lady GaGa因病取消加拿大蒙特利爾個唱，她透過Twitter宣佈取消，並深深致歉：「我美麗嘅粉絲們，我好失落，因為我今晚唔能夠表演。我一直都會現場演唱，亦為自己感到驕傲，但我之前於雨中表演令我病咗。我好對唔住各位一心諗住嚟睇我嘅人，我愛你。」雖然突然取消個唱，但佢好識做，向於酒店門外等佢嘅粉絲送上pizza，仲有親簽筆名，又再次向粉絲致歉，並表示已經同團隊籌備緊將表演延遲再舉行，粉絲都非常體諒。

早前Ariana Grande都稱因病突然取消越南騷，但態度就好唔同，於Instagram即時動態講幾句就算，全程冇現身冇打算補償，令粉絲大感不被尊重，仲叫佢以後唔好嚟越南，睇嚟佢應該向Lady GaGa學吓喇。