三男神有樣有身手
Chilam嘉穎推舉 古仔最好揪

蘋果日報 2017/08/22 00:00


古天樂、張智霖(Chilam)、鄭嘉穎、鄧麗欣(Stephy)等昨日在屯門進行新片《L風暴》開鏡拜神,這是導演林德祿繼《Z風暴》和《S風暴》後的新作。古仔和嘉穎在片中演ICAC調查人員,Chilam則承接上集演重案組探員。原來嘉穎和Chilam曾於十多年前合作劇集《西關大少》,古仔就第一次合作。
嘉穎讚女友廚藝
古仔和嘉穎有場船上激戰戲,Chilam和嘉穎都讚古仔好打。而古仔則透露由頭到尾都有飛車戲,問會否擔心危險?他說:「有得揸已經好開心,而且拍嘅時候都會封路,我唔理危唔危險。」至於Chilam為角色留鬚,他笑說:「老婆鍾意到不得了,唔畀我剃,阿仔就攻擊我,佢話好核突喎!」
此外,嘉穎於上周二踏入48歲,他冧爆指女友陳凱琳(Grace)在家中下廚:「佢借咗條慢煮棒,三文魚扒外熟內軟,好好食。」本月27日就46歲生日的Chilam,坦言最好是打牌慶祝。問到快為人父的好友郭富城是否已返港?Chilam說:「唔知喎,我哋各有各忙。」
empty
鄧麗欣早知劉嘉玲做終極版「阿寶」,讚是非常好的結局。
empty
Chilam讚古仔(左)在新片中好打得。
empty
鄭嘉穎上星期生日,喜獲女友陳凱琳在家中下廚慶祝。
Stephy做私影女模
Stephy在片中演私影模特兒,無意中陷害了古仔,跟嘉穎亦有少量對手戲。剛巧Stephy跟Grace合拍《起底組》,問嘉穎有否叫幫手照顧女友?Stephy說:「冇喎,反而佢問我Grace幾時開工。」此外,對於劉嘉玲飾演《獨家試愛》終極版《我的情敵女婿》「阿寶」,Stephy說:「葉念琛有講,我覺得幾特別,其實冇話邊個取代邊個,阿寶係一個精神,由劉嘉玲去演係非常好嘅結局。」
採訪:黃曉妍
攝影:葉君海