今次周末（29日）沙田日馬，編跑十場，兩泥八草用B加2跑道角逐，是季初9月16日因颱風取消賽事之補賽。

近期很多自購馬或PPG初次上陣，今期共有15匹之多，加埋一些只跑過一次，實力未明狀態參差，加上賽事頻密，總之又係混亂之局，可秤先有近績之馬。騎師方面，潘頓停賽期滿復出有不少牌面馬。

第六場四班1400米，「珍珠鳳凰」熱身後上仗在同程出擊，僅敗於「再享耆成」及「蟲草之星」，後兩駒最近再出都有好表現，取得贏位，水準可肯定。

此駒體形較單薄，只得一千磅，故操練要特別小心，不能以一貫辣操對待，在悉心訓練下，體重保持穩定，快跳試閘走勢均對辦。轉倉馬恨贏好鬥志，繼續由蘇兆輝執韁，今場多前領馬，一定有快步速，對這匹後上馬有助，機會可秤先。

「阿凡達」今季只跑兩仗，初出即上名，相隔兩星期再跑，可能體力未復故走樣，今次隔一個月再來，休息期足夠，期間重養不重操，埋門跳番，精神奕奕馬身養得壯。

此駒已很久沒返田草，有新鮮感之助，1400米亦合腳法，排四檔可用均速帶放爭拼，賠率有差別，都可以博對碰W。

「超能量」前次配黃俊發揮唔錯，雖排大外檔，但夠快切入跟前守好位，路程證實可應付，是爭勝份子。「軒轅齊飛」狀態平穩，勝在磅輕跑法也機動，賴維銘騎熟，要贏唔容易，爭一席還可以。