邱德根兒子及遠東發展有限公司主席邱達昌，噚晚聯同三名女兒：邱詠筠、邱詠賢和邱詠麒到金鐘，出席帝盛酒店集團與國際鑽石度假村合作協議簽署儀式，同場仲有以旅發局主席身份到場嘅林建岳。

本身讀設計嘅邱詠賢，今次有份為旗下酒店設計，佢話平日亦會周圍住其他酒店作參考：「集團旗下酒店上星期喺新加坡開幕，我哋都有飛過去，亦都會請專業嘅人(指神秘客人)嚟視察。自己最著重係有泳池同spa，每年我哋都會同父母舉家旅行。」

邱詠麒更踢爆家姐詠賢要求高及奄尖，詠賢即解釋說：「我希望不斷進步，自己做酒店，第二啲酒店好好，所以要進步。」