金朝陽（878）創辦人及主席傅金珠，自2014年底金朝陽中心2期開幕後，事隔兩年再度出現集團記者會回答傳媒提問。

傅金珠稱，「前年已經察覺到個市前景唔係幾好。」，並解釋當時香港政治環境及自由行，「無咁容易向前，咪即係向後」，所以自此集團投資方針轉為審慎，「睇穩陣啲，買當頭起好過當頭跌。」

記者會上金朝陽層理層被多番問及整體經濟、零售及租務市況市況何時見底，當中傅金珠回應「呢啲神仙都估唔到，無特別研究。」住宅市道方面，「預計住宅走勢平穩，因為建築費無咩好跌，人工又貴。」而集團未來將著力尋覓工商物業投資機會。

對於退休問題，傅金珠稱「隨時都可以退休，我地一間公司係團隊做野。不過公司係我一手創立，好似返去消遣咁，所以唔覺得返工辛苦。等到要退休果時一定會同大家講。」