居於河南鄭州市的張小姐，專程來港查究她與親友購買的人壽保險是否有效。她說，九九年在鄭州市經香港保險經紀雷小姐，向本港國衞保險有限公司購買人壽保險，因一個「信」字，與丈夫，兒子，妹妹及親友一同投保。
張小姐憶述，當年其相熟友人向本港國衞公司投保，並指香港保險公司較穩健可靠，可為日後作保障。「當時負責佢張保單嘅雷姓女經紀咁啱嚟到鄭州市，佢同我哋成班朋友講到啲人壽保險好似好好咁，每年畀二千幾蚊美金，就可以得到終生保障，我哋見佢咁熱誠，國衞又咁出名；我哋幾十人都經佢買囉！」
每人支付兩年保費
張小姐稱，當時雷小姐拿出幾份保單給他們簽署後，便稱保單已正式生效，兩年來，他們一直有支付保費。其後保險經紀「過檔」另一保險公司，並游說他們跟她將保單轉往其轉職的保險公司；由於張小姐對其他保險公司欠信心，故他們五人仍將保單留在國衞。
「後來我哋得知保單唔喺香港簽，根本就唔會生效；於是不斷搵個保險經紀，佢好似人間蒸發咁。」張小姐稱，回想當時各人從沒交出身份證明文件、且亦從沒到港簽署保單，但卻獲國衞發給保單，不禁心生疑惑。
「張保單唔生效咪即係等於白供？點解保險公司無查清楚就隨意發保單？經紀做乜都無人監管？」張小姐因感保單不清不楚，決暫停供保費。最近她與友人以自由行來港，順道向國衞追查保單情況，但不獲具體協助，故向本報求助。「國衞話佢哋都係受害者，負責嘅經紀已離職；所以佢哋都做唔到乜嘢！」