現時港劇迷可於Viu上同步追看、由韓劇《我係金三珣》女星金宣兒夥拍甘宇成主演嘅SBS新劇《能先接吻嗎》，今晚會播出第17、18集。

劇組今日公開最新劇照，當中金宣兒同甘宇成着上禮服，現時教堂行禮，似乎金宣兒終於覓得金龜。承接之前劇情，失婚嘅金宣兒一心想唔要戀愛只結婚，佢曾經同好友喺電話講過：「我咁樣仲談乜嘢戀愛，我唔需要愛，只要結婚，我係寄生蟲。」而佢嘅對話就被甘宇成聽到，雖然甘宇成知道金宣兒為錢同佢在一起，但佢就唔介意，更提出結婚要求，仲想同金宣兒一齊生活，喺上集結尾仲透露咗原來甘宇成有絕症，佢似乎想趁死前同金宣兒組織家庭。

更多韓流，喺晒《娛果》
http://fb.com/appledailyent