由韓國女星朴信惠及型男玄彬主演嘅tvN新劇《阿爾罕布拉宮的回憶》，將於下月1號首播，劇組噚日再公開新預告片，透露更多劇情，另外於劇中飾演朴信惠細佬、角色定位為「神秘人物」嘅燦烈亦於片中登場。

新劇講述投資公司代表劉鎮宇（玄彬飾），因工作去到西班牙，遇到曾經係吉他手、現時經營老舊旅館嘅鄭希周（朴信惠飾），之後二人於旅館內因遇到案件而發生嘅故事。

新預告片中，就見到劉鎮宇似乎穿梭於現實與虛擬嘅遊戲世界，佢表示自己正尋找魔法。片中更見到劉鎮宇拔劍跟神秘人對戰。另外，鄭世周（燦烈飾）用公眾電話打電話畀某人，表示「唔想賣畀他」、「唔係朋友嘛」、「於格拉納達見面吧」、「於旅館等嘅話我就去」，留下充滿疑問嘅說話之後就慌張逃跑。因為鄭世周，劉鎮宇跟鄭希周相遇，當鄭希周向劉鎮宇道謝時，劉鎮宇回應：「唔好太相信我，我唔係咩好人。」

精選韓流，喺晒《娛果》
http://fb.com/appledailyent